ამერიკის შეერთებულ შტატებში კორონავირუსის საწინააღმდეგო პირველი ვაქცინა გამოსცადეს. მოხალისე 43 წლის ჯენიფერ ჰალერია. პირველი ტესტი ვაშინგტონის კვლევითმა ინსტიტუტმა "კაიზერ პერმანენტმა" ჩაატარა. ქალს სპეციალისტები რამდენიმე კვირის განმავლობაში დააკვირდებიან, თუმცა წარმატებული გამოცდის მიუხედავად, კვლევები გაგრძელდება და ფართომასშტაბიანი რეალიზაცია 1 წლის ან წელიწადნახევრის შემდეგ დაიწყება.

"ძალიან აღელვებული ვარ, რადგან გავაცნობიერე რომ პირველი ადამიანი ვარ, ვისაც ამ ვაქცინაზე ტესტი ჩაუტარდა. ეს ნამდვილი სიგიჟეა. რამდენიმე კვირის წინ დამიკავშირდნენ. ეძებდნენ მოხალისეებს მე განაცხადი შევავსე. შემდეგ ექიმებმა ჩამიტარეს ანალიზები იმისათვის, რომ დარწმუნებულიყვნენ რომ ჯანმრთელი ვიყავი. ახლა ადამიანები ძალიან უიმედოდ არიან. კითხულობენ რა გავაკეთოთ?! და ამ დროს მე დავთანხმდი ვყოფილიყავი პირველი, ვისზეც ვაქცინას გამოსცდიდნენ და მე მეამაყება ჩემი თავის," - განაცხადა ჯენიფერ ჰალერიმ.