საქართველოს მოქალაქეების განცხადებით, ისინი ადგილზე საქართველოს საელჩოებს უკვე დაუკავშირდნენ, თუმცა მათგან კონკრეტული პასუხი, თუ როდის მოახერხებენ სამშობლოში დაბრუნებას, ვერ მიიღეს.

"ვმუშაობდით ჩვეულებრივად, უბრალოდ კარანტინის გამო მინდა ოჯახში დავბრუნდე, საელჩოში ვრეკავთ და პასუხს არ გვეუბნებიან," - აცხადებს ემიგრანტი ზაქარია ჩითინაშვილი.

"10 ქართველი ვართ, ყველას წასვლის სურვილი აქვს, საკონსულოში ვიყავით, თუმცა, რა და როგორ იქნება - არაფერს გვეუბნებიან. არიან ადამიანები, ვისაც ბილეთები ჰქონდა ნაყიდი და არავის გაუფრთხილებია წინასწარ. რაღაც კომპანიები ფულის შოვნას ცდილობენ," - აცხადებს ემიგრანტი ზაზა ცირდავა.