ხანდახან ყველას სჭირდება ისეთი რჩევა, რომელიც ჯადოსნური წიხლივით იმოქმედებს. ასეთი სულ 12 რჩევა არსებობს, თითო ზოდიაქოს ნიშნისთვის - თითო.

ვერძი - დაფიქრდით, სანამ რამეს გააკეთებთ
შეცდომების თავიდან ასაცილებლად უმჯობესია, ჯერ დაფიქრდეთ, სანამ რამეს გააკეთებთ, რადგან ამან შეიძლება დაგაზარალოთ, როგორც მატერიალურად, ისე ფიზიკურად. წინააღმდეგ შემთხვევაში, გაიჩენთ მტრებს, რადგან ერთია, რას ლაპარაკობთ და მეორე, რას აკეთებთ.

კურო - გამოდით კომფორტის ზონიდან
ჩვეულებების ადამიანია. იცის, რა მოსწონს და მხოლოდ მას ირჩევს. მაგრამ ამის გამო მისი პიროვნული ზრდა შეზღუდულია.
არ სურს, თავი მოსინჯოს სიახლეებში. გამოდით კომფორტის ზონიდან და გააკეთეთ თქვენთვის უჩვეულო საქმეები. ეს მეტ გამოცდილებას მოგიტანთ.


ტყუპი - შეიქმენით თქვენი პირადი გარემო
ეს საჭიროა იმისათვის, რომ ხშირად განმარტოვდეთ და დაფიქრდეთ საკუთარ ქმედებაზე, შეაფასოთ გარშემო მომხდარი მოვლენები და გამოასწოროთ ის სფერო, რაც არ გაკმაყოფილებთ. ნუ ხართ აჩქარებული, ხშირად შეჩერდით, შეისვენეთ.

კირჩხიბი - იყავით მეტად დამოუკიდებელი
ზედმეტად ემოციური და მგრძნობიარე ხართ. უნდა შეინარჩუნოთ თქვენი სენტიმენტალური მხარე. აცადეთ თქვენს საყვარელ ადამიანებს, თავად მიიღონ გადაწყვეტილებები, თავად შეასრულოთ ზოგიერთი საქმე და მათ მაგივრად თქვენ ნუ იაქტიურებთ. თუმცა, დიდი სიყვარულის გამო.


ლომი - ყველას დაანახვეთ თქვენი რეალური სახე
ყველაზე ამაყი ნიშანი ხართ. ზოგჯერ იმაზე მეტად ტრაბახობთ მიღებულით, ვიდრე სინამდვილეში გააკეთეთ. ხანდახან უნდა მოიხსნათ გვირგვინი თავიდან და ჩვეულებრივ მოკვდავებს გაუთანაბრდეთ. ამით მეტად დაიმსახურებთ მათ პატივისცემას.


ქალწული - იყავით კეთილი
ხანდახან გარშემო მყოფების მიმართ ზედმეტად კრიტიკული ხართ. რაც უფრო მეტად შეაქებთ ადამიანებს, მით მეტად გაგიუმჯობესდებათ მათთან დამოკიდებულება და თუ მუდმივად უკმაყოფილო იქნებით მათით, ერთ დღესაც აღმოაჩენთ, რომ მარტო დარჩით.


სასწორი - თვალი გაუსწორეთ რეალობას
განსაკუთრებულ ყურადღებას აქცევთ გარშემო მყოფთა აზრს. მუდმივად ისე იქცევით, რომ არავის აწყენინოთ. ამის გამო ხშირად თავადვე ზარალდებით. მოეშვით ყველასთან მეგობრობას, ყველასთვის "გულის გაკეთებას".


მორიელი - გაუშვით წყენა
არასდროს გავიწყდებათ, ვინ რა გაწყენინათ და მუდმივად შურისძიებაზე ფიქრობთ. ამის გამო ვეღარ აკეთებთ სასარგებლო საქმეებს. ბოროტების კეთება კი თავადაც გაზარალებთ. შეეშვით ადამიანებისთვის სამაგიერის გადახდას, აპატიეთ, დაივიწყეთ წარსული და გვერწმუნეთ, უფრო ბედნიერი და წარმატებული გახდებით.


მშვილდოსანი - დაანახვეთ ახლობლებს, რომ მათზე მზრუნველობა შეგიძლიათ
ყველას ჰგონია, რომ მხოლოდ საკუთარ თავზე ზრუნავთ. სხვების ამბები საერთოდ არ გაღელვებთ და არასდროს მიგაქვთ გულთან ახლოს სხვისი ტკივილი. ეცადეთ, იმ ადამიანებს მაინც არ ატკინოთ გული, ვინც თქვენზე ზრუნავს. იყავით მადლიერიც და მზრუნველიც მათ მიმართ.


თხის რქა - მუშაობის პარალელურად დასვენებაც უნდა შეძლოთ
თქვენი მთავარი პრობლემა ისაა, რომ მხოლოდ კარიერულ მიღწევებზე ხართ ორიენტირებული და ცხოვრების სხვა სფეროები "გეჩაგრებათ". ისწავლეთ დასვენება, საკუთარი თავის პატარ-პატარა სიხარულებით განებივრება. გაიღიმეთ ხოლმე, რათა გარშემო მყოფები მიხვდნენ, ადამიანი ხართ და არა რობოტი.


მერწყული - იყავით ტკბილად მოსაუბრე
გარშემო მყოფებისთვის თქვენი აზრი და შექება მნიშვნელოვანია. ეცადეთ. არავინ გააკრიტიკოთ უსაფუძვლოდ, აკონტროლეთ სიტყვები. აგრეთვე, ნუ განაწყენდებით მათზე, ვინც სხვას ტყუილს შელამაზებულად ეუბნება. პირფერებს ნუ უწოდებთ მათ, რადგან მათ არ სურთ უმნიშვნელო უსიამოვნების გამო გარშემო მყოფებთან ურთიერთობის გაფუჭება.


თევზები - გწამდეთ საკუთარი თავის
მეტად კრეატიული ხართ, მაგრამ გარშემო მყოფების კრიტიკის, მათი აზრის მოსმენის გეშინიათ. გააკეთეთ ისეთი რამე, რაც ადრე გაშინებდათ და მიხვდებით, რომ თქვენთვის შეუძლებელი არაფერია. აგრეთვე, გააკეთეთ ის, რაც თქვენს შემოქმედებას სხვა ეტაპზე აიყვანს და ნაკლები ყურადღება მიაქციეთ უსაქმურების კომენტარებს.

წყარო: marao.ge