როგორია კორონავირუსის მსოფლიო სტატისტიკა


156 930 ინფიცირებული და 5 839 გარდაცვლილი - ასეთია სურათი მსოფლიოში. ვირუსმა, რომელმაც ერთ ქვეყანაში იფეთქა, ეტაპობრივად უკვე 150-ზე მეტ სახელმწიფოში შეაღწია - ქვეყნები საგანგებო რეჟიმში მუშაობენ.

კორონავირუსით დაინფიცირებულთა სტატისტიკის ზრდასთან ერთად ყოველდღიურად იზრდება იმ ქვეყნების რიცხვი, რომლებიც საგანგებო რეჟიმზე გადადიან.

ამერიკის შეერთებულმა შტატებმა საგანგებო მდგომარეობის გამოცხადების შემდეგ ევროპის ქვეყნებთან ავიამიმოსვლა შეაჩერა. ქვეყნაში შესვლა უცხო ქვეყნის იმ მოქალაქეებსაც შეეზღუდათ, რომლებიც ბოლო 14 დღის განმავლობაში დიდ ბრიტანეთსა და ირლანდიაში იმყოფებოდნენ. კორონავირუსზე ტესტირება მოუწია შეერთებული შტატების პრეზიდენტს. დონალს ტრამპს ვირუსი არ დაუდგინდა. თეთრი სახლის ლიდერმა ტესტის გაკეთება მას შემდეგ გადაწყვიტა, რაც ცნობილი გახდა, რომ ბრაზილიის პრეზიდენტის დელეგაციის რამდენიმე წევრს "კოვიდ 19" დაუდასტურდა. გასულ კვირას დონალდ ტრამპმა მათ ფლორიდაში სადილზე უმასპინძლა. ამერიკაში საერთო ჯამში 3 000-მდე ინფიცირებული და 90 გარდაცვლილია.
729 ნახვა