ვირუსის ზემოქმედება ეკონომიკაზე იქნება საკმაოდ სერიოზული და დიდი- ამის შესახებ განცხადება საქართველოს პრემიერ-მინისტრმა დღეს გამართულ საგანგებო ბრიფინგზე გააკეთა.

პრემიერმა იმ ნაბიჯებზე ისაუბრა, რომელსაც ხელისუფლება ეკონომიკის დასახმარებლად დგამს:

"მთავრობამ ამ ეტაპზე ტურიზმთან დაკავშირებულ ისეთ დარგებში და ისეთი კომპანიებისთვის, რომლებიც საქმიანობენ სასტუმროების და რესტორნების, ტურისტული სააგენტოების, სატრანსპორტო კომპანიების საექსკურსიო კომპანიების და სხვა სფეროებში, 4 თვით გადაუვადებს ქონების და საშემოსავლო გადასახადს. პირველ ნოემბრამდე 18 ათას კომპანიას და 50 ათასზე მეტ დასაქმებულ პირს, ეს დამატებით დატოვებს ამ სექტორში დაახლოებით 100 მილიონზე მეტ ფინანსურ რესურსს,"- განაცხადა გიორგი გახარიამ.