იტალიიდან სპეციალური რეისით ჩამოყვანილი საქართველოს მოქალაქეებიდან 6 ადამიანი ექიმების განსაკუთრებული მეთვალყურეობის ქვეშ რჩება. მათგან 4-ს მაღალი ტემპერატურა აქვს. სამი პაციენტი კი საკარანტინო სივრციდან ბათუმის ინფექციურ საავადმყოფოში გადაჰყავთ.

ამ შემთხვევაში საუბარია ერთი ოჯახის სამ წევრზე, მათ შორის ერთი არასრულწლოვანია, რომელსაც ტემპერატურა უფიქსირდება. მასთან ერთად, ბათუმის ინფექციური საავადმყოფოს საკარანტინო სივრცეში იმყოფებიან მისი მშობლებიც. ისინი 10 მარტს, იტალიიდან სპეციალური რეისით ჩამოიყვანეს. რაც შეეხება კიდევ სამ ადამიანს, მათაც აღენიშნებათ ტემპერატურა.