"ჰაერში ომის სუნი დგას" - ეს განცხადება მიხეილ გორბაჩოვმა "ნოვაია გაზეტა"-სთან ინტერვიუში გააკეთა. საბჭოთა კავშირის უკანასკნელმა პრეზიდენტმა მსოფლიო ლიდერებს მიმართა და სამხედრო მოქმედებების შეჩერებისკენ მოუწოდა.

"შეაჩერეთ ნებისმიერი ქმედება, რომელსაც კატასტროფამდე მივყავართ - ეს არის ის პასუხისმგებლობა, რაც თქვენ ხალხს უნდა აჩვენოთ. ეს განსაკუთრებით მნიშვნელოვანია ახლა, როცა მთელი მსოფლიო ერთი საშიში საფრთხის, კორონავირუსის პანდემიის წინაშე დგას" - აღნიშნა გორბაჩოვმა.

ინტერვიუში გორბაჩოვმა ასევე ამერიკის შეერთებული შტატებისა და დიდი ბრიტანეთის ლიდერების მოსკოვში ვიზიტზე უარის თქმაზეც ისაუბრა, რაც, მისი აზრით, მსოფლიო ლიდერებს დაძაბული ვითარების განმუხტვაში დაეხმარებოდათ.