კორონავირუსმა სერიოზულად დაძაბა ურთიერთობა შეერთებულ შტატებსა და ევროპას შორის. მას შემდეგ, რაც ტრამპმა ევროპას საზღვრები ჩაუკეტა, ევროკავშირი გმობს აშშ-ის მიერ შენგენის ზონის ქვეყნებისთვის დაწესებულ შეზღუდვებს და მას ცალმხრივ გადაწყვეტილებად აფასებს.

ვირუსის პრევენციის მიზნით, შტატები 30 დღით ევროპიდან ავიარეისებს შეზღუდავს. ევროკავშირმა ევროპიდან შტატების მიმართულებით გადაადგილების აკრძალვასთან დაკავშირებით ვაშინგტონის გადაწყვეტილებაზე განცხადება გაავრცელა. ევროგაერთიანებამ მიღებული გადაწყვეტილება დაგმო და მას ცალმხრივ მოქმედება უწოდა.

კანადის პრემიერ-მინისტრი ჯასტინ ტრუდო და მისი მეუღლე სოფი თვითიზოლაციაში იმყოფებიან. ტრუდომ გადაწყვეტილება მას შემდეგ მიიღო, რაც მის მეუღლეს დიდ ბრიტანეთში ვიზიტის შემდეგ გრიპის სიმპტომები აღმოაჩნდა.

კორონავირუსი დაუდგინდა ესპანეთის თანასწორობის მინისტრს, ვიცე-პრემიერი კი კარანტინში იმყოფება. კარანტინში მოხვდა ევროპაში ამერიკული ჯარების სარდალიც.

ახალი კორონავირუსი დაუდასტურდა ბრაზილიის პრეზიდენტის პრესმდივანს, ფაბიო ვეინგარტენს, რომელიც გასულ კვირაში ფლორიდაში დონალდ ტრამპს შეხვდა.