საპარლამენტო უმრავლესობის ლიდერი მამუკა მდინარაძე მაჟორიტარ დეპუტატებთან შეხვედრის შემდეგ აცხადებს, რომ მათი სრული უმრავლესობისთვის საარჩევნო სისტემის კომპრომისული ვარიანტი მისაღებია.

მისივე თქმით, საარჩევნო ოლქების საზღვრები ვენეციის კომისიის რეკომენდაციის მიხედვით გადანაწილდა.

"ისინი ამბობენ, რომ ჩვენ მხარს დავუჭერთ ამ კომპრომისულ ვარიანტს და ისინი პრობლემას ვერ ხედავენ ამაში. კომპრომისულ ვერსიას მხარს უჭერს ყველა, ამიტომ დაერქვა კომპრომისული და ამიტომ შედგა შეთანხმება. ჩვენ აქ მოგვიწევს, რომ გამოვიდეთ ვენეციის კომისიის რეკომენდაციებიდან, რომლის მიხედვითაც ე.წ. გადახრა რაოდენობიდან არ უნდა იყოს 15%-ზე მეტი. ჩვენ გვიწევს, რომ ამ ჩარჩოებში მოვაქციოთ 30-ვე ოლქი. მაგრამ, საუბარია გამონაკლისებზე მხოლოდ და მხოლოდ იქ, სადაც შეიძლება იყოს ეროვნულ უმცირესობებზე ან მაღალმთიან რეგიონებზე საუბარი,"- განაცხადა მამუკა მდინარაძემ.