მმართველი გუნდის წევრების განცხადებით, ქვეყანაში პოლიტპატიმრები არ არიან. მათივე თქმით, კონკრეტულ სახელებსა და გვარებზე შეთანხმება არ მომხდარა. ხელისუფლების წარმომადგენლები პარტია "ახალი საქართველოს" თავმჯდომარის გიორგი ვაშაძის განცხადებას, რომლის თანახმადაც ოპოზიციასა და ხელისუფლებას შორის შეთანხმება პოლიტპატიმრების გათავისუფლებას ითვალისწინებს, სიცრუეს და მოგონილს უწოდებენ.

ირაკლი კობახიძის განცხადებით, პოლიტპატიმარს ვერ უწოდებს ადამიანს, რომელსაც ათეულობით მილიონი ლარი აქვს მოპარული.