იტალიასთან პირდაპირი ფრენები დღეიდან შეწყდება. ქვეყნის მასშტაბით სასაზღვრო გამშვებ პუნქტებსა და აეროპორტებში დამატებითი ჯგუფების მობილიზაციაა.

საქართველოს მოქალაქეებს, რომლებიც რისკის ქვეშ მყოფი ქვეყნებიდან ბრუნდებიან, 14 დღის განმავლობაში კარანტინის გავლა მოუწევთ, ხოლო ტურისტებმა საზღვარზე უნდა წარმოადგინონ ოფიციალური დოკუმენტი, რომელიც დაადასტურებს, რომ "კოვიდ 19" არ აქვთ. წინააღმდეგ შემთხვევაში, მათაც 14 დღის გატარება კარანტინში მოუწევთ.

ფრენების შეწყვეტასთან დაკავშირებით განცხადებები გაკეთდა მთავრობის წევრების მხრიდან.

ეკონომიკისა და მდგრადი განვითარების მინისტრის ნათია თურნავას განცხადებით, ეს გადაწყვეტილება ეკონომიკური თვალსაზრისით საკმაოდ მძიმეა.