იტალიაში მცხოვრები ქართველი სტუდენტის მდგომარეობას, რომელსაც კორონავირუსი დაუდგინდა საქართველოს საგარეო საქმეთა სამინისტრო ეხმაურება.

უწყების ინფორმაციით, ვიტერბოს უნივერსიტეტის სტუდენტი რომის კლინიკაშია გადაყვანილი და ექიმების მეთვალყურეობის ქვეშ რჩება. მისი მდგომარეობა დამაკმაყოფილებელია.

საგარეო საქმეთა მინისტრის მოადგილის ალექსანდრე ხვთისიაშვილის თქმით, საქართველოს სხვა მოქალაქეებს ვირუსის სიმპტომები არ უფიქსირდებათ. საელჩოში 24 საათიან რეჟიმში მოქმედებს ცხელი ხაზი.

"საქართველოს საელჩო იტალიის რესპუბლიკასთან მუდმივ კომუნიკაციაშია. ქართველის ჯანმრთელობის მდგომარეობა, რომელსაც კორონავირუსი დაუდგინდა, დამაკმაყოფილებელია. რაც შეეხება საქართველოს სხვა მოქალაქეებს, საელჩო ასევე მუდმივ კომუნიკაშია მათთან. საელჩო განაგრძობს 24 საათიან საგანგებო რეჟიმში მუშაობას," - განაცხადა საქართველოს საგარეო საქმეთა მინისტრის მოადგილემ ალექსანდრე ხვთისიაშვილმა.