თეთნულდზე დაშავებული ესპანელი ტურისტის ჯანმრთელობის მდგომარეობა სტაბილურად საშუალო სიმძიმისაა.

50 წლის მამაკაცი მესტიიდან თბილისში, ღუდუშაურის კლინიკაში ვერტმფრენით დღის ბოლოს გადმოიყვანეს.

სვანეთში მყოფი ტურისტების ათკაციანი ჯგუფი აკრძალულ ზონაში სრიალებდა, რა დროსაც ზვავი ჩამოწვა. მოწყვეტილმა თოვლის მასამ 6 ესპანელი ტურისტი მოიყოლა, სამი ადგილზე დაიღუპა, ერთი დაშავდა, ორი ექსტრემალი კი მაშველებმა ზვავიდან უვნებლად გამოიყვანეს.

გადარჩენილები ადგილობრივი პოლიციის განყოფილებაში გვიანობამდე იკითხებოდნენ.