საკარანტინო ზონებში ქვეყნის მასშტაბით პაციენტების რაოდენობა იზრდება, თუმცა კორონავირუსით ინფიცირების მაჩვენებელი ქვეყანაში უცვლელია.

რესპუბლიკური საავადმყოფოს საკარანტინო ზონაში კიდევ 5 პაციენტი შეიყვანეს. მათზე დაკვირვება ამ დრომდე მიმდინარეობს.

პაციენტების რაოდენობა გაიზარდა ინფექციურ საავადმყოფოშიც. სპეციალურმა ჯგუფმა დაწესებულებაში დამატებით 2 პირი შეიყვანა.

ინფექციური პათოლოგიის, შიდსისა და კლინიკური იმუნოლოგიის ცენტრის გენერალური დირექტორის თენგიზ ცერცვაძის განცხადებით, პაციენტების მდგომარეობა სტაბილურია და ლუგარის ლაბორატორიის პასუხები დღის მანძილზე ეტაპობრივად გახდება ცნობილი.