პროპორციის ცვლილების ნაცვლად ალტერნატიული ვარიანტი ე.წ. ჩამკეტით, რომელიც უმრავლესობის შეფასებით, არჩევნებზე იგივე შედეგს დადებს, რასაც პროპორციული სისტემა - ასეთია მმართველი გუნდის ახალი შეთავაზება.

მმართველი გუნდის განცხადებით, ამ შეთავაზებაში გათვალისწინებულია ოპოზიციის ყველა პრინციპული მოთხოვნა, რომელიც ეხება პროპორციებს, ბარიერს და 40 პროცენტიან პრინციპს. 40 პროცენტზე ნაკლები მხარდაჭერით, არც ერთ პარტიას არ ექნება მთავრობის დაკომპლექტების შესაძლებლობა.

უმრავლესობა ამბობს, რომ თუ ეს პრინციპი კანონმდებლობაში აისახება, უკვე მეორეხარისხოვანი ხდება ციფრები და თანაფარდობა, იქნება ეს 110/40-ზე თუ 130/20-ზე.