კიდევ ერთი არაფორმალური შეხვედრა პოლიტიკური კონსესუსის მიღწევამდე - ამჯერად შეხვედრას გერმანიის ელჩის რეზიდენცია უმასპინძლებს. არაფორმალურ შეხვედრაზე ოპოზიციასთან ერთად ხელისუფლების წარმომადგენლებიც მივიდნენ.

"ქართულ ოცნებას" არცერთ არჩევნებში არ მიუღია 40%-ზე ნაკლები მხარდაჭერა და არც ამჯერად მიიღებს. თუ ეს არის მთავარი და პრინციპული მოთხოვნა ამ არჩევნებზე შეთანხმების მისაღწევად, რომ 40%-ზე მეტი მხარდაჭერით დააკომპლექტოს გამარჯვებულმა პარტიამ ხელისუფლება, რა თქმა უნდა, ასე იქნება. ჩვენ, ისედაც ამას ვფიქრობდით. რაც შეეხება პროპორციებს, მიგვაჩნია, რომ 100/50-ზე არის ლოგიკური განაწილება.