ინგრედიენტები
ცომი
არაჟანი ან იოგურტი - 50 გ
კარაქი - 100 გ
შაქრის ფხვნილი - 40 გ
ფქვილი - 180 გ
სახამებელი - 10 გ
გამაფხვიერებელი - 1/2 სკ
მწიკვი ვანილი და მარილი

ლიმონის შიგთავსი
შედედებული რძე - 380 გ
კვერცხი - 3 ც
ლიმონის წვენი - 120 მლ
ფქვილი - 20 გ
1 ლიმონის ცედრა


მომზადების წესები
ჯამში მოათავსეთ კარაქი, იოგურტი, შაქარი და ერთგვაროვანი მასის მიღებამდე ათქვიფეთ (მიქსერით ან ხელის სათქვეფით). ბოლოს დაუმატეთ ფქვილი, სახამებელი, გამაფხვიერებელი, ვანილი და მარილი. უმჯობესია, ფქვილს ნელ-ნელა თუ დაუმატებთ. მოსარევად ჩანგალი გამოიყენეთ, ასე ფქვილი უკეთ გაიხსნება. მომზადებული ცომი ქაღალდჩაფენილ და ცხიმწასმულ ფორმაში გადაიტანეთ და გამოაცხვეთ 150 გრადუსზე 15-20 წუთით.
მოამზადეთ ლიმონის შიგთავსი:
შედედებულ რძესა და კვერცხს დაუმატეთ 1 ლიმონის ცედრა და ათქვიფეთ. შეათქვიფეთ ფქვილიც. ბოლოს დაუმატეთ ლიმონის წვენიც და ნაზად ამოურიეთ. მიღებული მასა გადაიტანეთ ბისკვიტზე. სურვილისამებრ, თავზე მოაყარეთ გაყინული ჟოლო ან ნებისმიერი კენკრა და გამოაცხვეთ 180 გრადუსზე 15-20 წუთით.

გემრიელად მიირთვით!

წყარო: gemrielia.ge