ე.წ ციანიდის საქმეზე მსჯავრდებული სასულიერო პირის, დეკანოზ გიორგი მამალაძისთვის სასჯელის გადავადებასთან დაკავშირებით სასამართლო სხდომა ხმაურისა და მწვავე განცხადებების ფონზე წარიმართა. მსჯავრდებული პროცესს არ დაესწრო, მომდევნო სხდომა კი მოსამართლის გადაწყვეტილებით, სამკურნალო დაწესებულებაში გაიმართება.

გადაწყვეტილებას მამალაძის ოჯახის მხრიდან პროტესტი მოჰყვა, დეკანოზის ძმა, ირაკლი მამალაძე დარწმუნებულია, რომ სამკურნალო დაწესებულებაში სხდომის გამართვის მითითება მოსამართლემ ხელისუფლებისგან და საპატრიარქოდან მიიღო, რათა საზოგადოებამ დეკანოზის მდგომარეობა არ ნახოს. საპატრიარქო გააკრიტიკა ჭყონდიდის ყოფილმა მიტროპოლიტმა პეტრე ცაავამაც. მისი თქმით, მამალაძისთვის სასჯელის გადავადება საპატრიარქოს უნდა მოეთხოვა