რუსეთის მიერ საქართველოს წინააღმდეგ კიბერშეტევას შეერთებული შტატების სახელმწიფო მდივნის შემდეგ ამერიკის თავდაცვის უწყებაშიც ეხმაურებიან. პენტაგონის წარმომადგენელი ვიცე-პოლკოვნიკი გლისონი "ამერიკის ხმასთან" კომენტარში საქართველოს მხარდაჭერის პირობას დებს და რუსეთს საერთაშორისო წესრიგის დარღვევაში ადანაშაულებს.

"შეერთებული შტატების პოზიცია მკაფიო რჩება: ჩვენ დავიცავთ ჩვენი პარტნიორების და მოკავშირეების ძირითად ინტერესებს და რუსეთის ფედერაციას პასუხისმგებლობას დავაკისრებთ დესტაბილიზაციის გამომწვევი ამ საქმიანობისთვის, ჩვენ საქართველოს და მისი ხალხის მხარდაჭერის პირობას ვდებთ და გავაგრძელებთ საქართველოს მხარდაჭერას რათა მან საკუთარი უსაფრთხოება გააძლიეროს," - წერია განცხადებაში.

ბრალდებებს უარყოფს ოფიციალური მოსკოვი. რუსეთის საგარეო საქმეთა სამინისტროს ვებ-გვერდზე გავრცელებულ განცხადებაში ნათქვამია, რომ კიბერთავდასხმაში მოსკოვის მონაწილეობის მტკიცებულება არ არსებობს და მსგავსი შინაარსის შეფასებები პოლიტიკურად მოტივირებულია.