ყველასათვის საყვარელი ნამცხვარი „მთვრალი ალუბალი“. ამჯერად ყველაზე მარტივ, ეკონომიურ და სწრაფ რეცეპტს გთავაზობთ, რომელიც სომხური ლავაშით მზადდება და სულ რაღაც, 15 წუთი დაგჭირდებათ.
ინგრედიენტები
არაჟანი 27%-30% - 600 მლ
მოხარშული შედედებული რძე - 370 გ
სომხური ლავაში - 4 ფენა
უკურკო ალუბალი - 500 გ

მომზადების წესები
არაჟანს ნელ-ნელა შეათქვიფეთ მოხარშული შედედებული რძე.
სომხური ლავაშის ერთი ფენა დაჭერით 4-5 ტოლ ნაწილად. თითოზე გადაანაწილეთ სასურველი რაოდენობის ალუბალი (თითოზე 8-10 ც) და გადაახვიეთ. ფენებს თავი და ბოლო ჩამოაჭერით.
მართკუთხედ ფორმაში ერთ ფენად დაალაგეთ ალუბალგახვეული ლავაშის ფენები, მეორე ფენად - კრემი და ა.შ.
ნამცხვარი გააჩერეთ მაცივარში რამდენიმე საათით. ბოლოს თავსა და გვერდებზე მოაყარეთ გახეხილი შოკოლადი.

გემრიელად მიირთვით!

წყარო: gemrielia.ge