თურქეთის პრეზიდენტმა რეჯეპ ტაიპ ერდოღანმა თურქეთის მმართველი პარტიის წევრების წინაშე გამოსვლის დროს განაცხადა, რომ ანკარა მზადაა, სირიაში, იდლიბის პროვინციაში სამხედრო ოპერაცია დაიწყოს. ინფორმაციას ამის შესახებ უცხოური მედია ავრცელებს.

"თუ ქვეყნები, რომლებთანაც ჩვენ მოლაპარაკებებს ვაწარმოებთ, არ გააკეთებენ იდლიბში იმას, რაც საჭიროა, ჩვენ თავად გავაკეთებთ ამას. ჯერჯერობით ჩვენ არ მიგვიღია მოლაპარაკებების დამაკმაყოფილებელი შედეგი. ჩვენ სრულებით მზად ვართ იდლიბში საკუთარი ოპერაციის ჩასატარებლად, ეს მხოლოდ დროის საკითხია, ჩვენ ნებისმიერ წუთს შეგვიძლია დავიწყოთ ჩვენთვის სასიცოცხლო ოპერაცია," - განაცხადა ერდოღანმა.

ერდოღანმა ასევე განაცხადა, რომ დონალდ ტრამპთან სატელეფონო საუბრისას შესაძლო მოქმედებები განიხილა.

"იდლიბს ჩვენ არ დავუტოვებთ რეჟიმს, რომელსაც ჯერ კიდევ არ ესმის ჩვენი გადაწყვეტილების სიმტკიცე. ჩვენ გადაწყვეტილი გვაქვს იდლიბი უსაფრთხო ადგილად ვაქციოთ,"- აღნიშნა ერდოღანმა