ხანდახან მამაკაცისგან სწრაფი გადაწყვეტილების, დახმარების მიღება გვინდა, ზედმეტი დაკითხვისა და ლაპარაკის გარეშე. ამიტომ, პატარა საიდუმლოს გაგიმხელთ, როგორ ვმართოთ მამაკაცი მისი ზოდიაქოს ნიშნის გათვალისწინებით, ისე, რომ "არც მწვადი დავწვათ და არც შამფური".

ვერძი
მოსწონს შეუსრულებელი დავალებების შესრულება - ასეთი უცნაური ჰობი აქვს. ამიტომ, თუ რამის მიღწევა გსურთ, უთხარით ვერძს, რომ ამის გაკეთება შეუძლებელია, მისთვისაც კი. შეგიძლიათ ეს რამდენჯერმე გაუმეოროთ. მერე კი თვალებში შეხედეთ, რათა მიხვდეს, რომ გულის სიღრმეში მისი იმედი მაინც გაქვთ.

კურო
მან კარგად იცის
სიტყვა "უნდას" ფასი. გარდა ამისა, ის აფასებს ტრადიციებსა და წესებს. გინდათ, რომ მან რაღაც გაგიკეთოთ? უთხარით: "ასეა საჭირო", "ასეა მიღებული", "ამის გარეშე არ გამოვა". იყავით სერიოზული, თუ სასურველის მიღწევა გსურთ.

ტყუპი
ბევრს მიაჩნია, რომ ტყუპით მანიპულირება შეუძლებელია. ნუთუ? მთავარია, იცოდეთ, როგორ მიაწოდოთ იდეა. ყოველთვის სიახლე უნდა შესთავაზოთ. ის ძალიან ცვალებადია და მუდამ სიახლე სურს. თქვენ კი უნდა იყოთ ამოუცნობი. ერთხელ თუ ეფექტურად გამოგივათ, მეორედ ამ მეთოდს ვერ გამოიყენებთ. ტყუპს ასე უყვარს. ინტუიციას ენდეთ, მის გარეშე ვერაფერს გახდებით.

კირჩხიბი
მათით მანიპულირება არ დაგჭირდებათ. თუ რაღაცაზე დიდხანს ეხვეწებით ან გულით სთხოვთ, დაგთანხმდებათ. თუ არ გამოგივიდათ (არასაკმარისად დიდხანს სთხოვდით), მაშინ დაანახვეთ, რომ უბედური და მოწყენილი ხართ. კირჩხიბზე ეს მაგიურად მოქმედებს.

ლომი
მანიპულაციის საუკეთესო მეთოდი მათი შექება და აღფრთოვანებაა. რაც უფრო ხმამაღლა და ხალხმრავალ ადგილას გააკეთებთ ამას, მით უკეთესია. მერე კი შეგიძლიათ უჩურჩულოთ, რაც გინდათ. თან შეაგულიანეთ, რომ ასეთ კარგს ეს აუცილებლად კარგად გამოუვა. მისთვის მთავარია, რომ მისი გჯეროდეთ.

ქალწული
მან გადაწყვეტილება დამოუკიდებლად უნდა მიიღოს. ამიტომ, ფაქტებითა და არგუმენტებით შეიარაღებული უნდა იყოთ და მშვიდად აუხსნათ, რა გჭირდებათ და რისთვის. ან გააკეთეთ ეს მარტომ. ქალწულს ძალიან უყვარს საქმიანი ადამიანი და ეხმარება კიდეც მათ.

სასწორი
არ მისცეთ ფიქრის საშუალება. უთხარით, რომ სწრაფად უნდა გააკეთოთ. თუ ყველაფრის გააზრებას დაიწყებს, შეიძლება გადაიფიქროს ან საერთოდ დაიბნეს. სანამ ფიქრს დაიწყებს, მანამდე უნდა გააკეთებინოთ რამე ისე, რომ ვერც შეამჩნიოს.

მორიელი
მანიპულატორი თავადაა და ცოტა გაგიჭირდებათ, რომ გადაუჯოკროთ. თუმცა მაინც სცადეთ. იყავით მოულოდნელი და სწრაფად შეცვალეთ ხოლმე ტაქტიკა. მოულოდნელი და სტრესული სიტუაცია მათზე კარგად მოქმედებს.

მშვილდოსანი
მას ბავშვივით მარტივად მოატყუებთ. თუმცა, თუ სთხოვთ, არც დახმარებაზე გეტყვით უარს. ის ბუნებით მეგობრული და ალტრუისტია. შეგიძლიათ სიტუაცია გაამუქოთ და უთხრათ, რომ ვისთვისაც დახმარებას სთხოვთ, ის რთულ სიტუაციაშია, - მისთვის მშვილდოსანი მთებს გადადგამს.

თხის რქა
ჯიუტზე ჯიუტია. თუ რაღაც დაიჟინა, თავი რომც გაუტეხოთ, მაინც თავისას გაიტანს. თხის რქაზე კარგად მოქმედებს კეთილშობილური მანერების, ვალდებულებისა და მაღალი მიზნების შეხსენება. აგრეთვე - მატერიალური კეთილდღეობისა და სარფიანი გარიგების.

მერწყული
მას ყველაზე მეტად თავისუფლების დაკარგვის ეშინია. ამიტომ მანიპულირებისას ფრთხილად უნდა იყოთ. ჯერ მსუბუქ მინიშნებებს მიმართეთ. მის უსიამოვნო პასუხებზე ღიმილი "აიწებეთ". მართალია, მას განვითარებული ინტუიცია აქვს, მაგრამ ხანდახან მასაც აქვს დასვენების მომენტები და ასეთი დრო უნდა შეარჩიოთ.

თევზები
მიმართეთ ფანტაზიას. ყველაფერი უნდა იყოს ჩახლართული, გაურკვეველი და გართულებული - სანამ ის სიტუაციაში გაერკვევა, თქვენ თქვენსას მიიღებთ. ხშირად ამოიხვნეშეთ, ფრაზები გამოთქვით საიდუმლოდ, ბუნდოვნად, იყურეთ მეოცნე თვალებით შორეთში, მაგრამ არ დაკარგოთ სიტუაციაზე კონტროლი, რადგან საჭირო დროს თევზებს თქვენი ჯადოსნური ხელის წაკვრა დასჭირდება აქტიური მოქმედების დასაწყებად.

წყარო: marao.ge/sakithkhavi