ყოფილ გენერალურ პროკურორს ირაკლი შოთაძეს დღეს პარლამენტში მოუსმენენ. გენერალური პროკურორობის კანდიდატი რამდენიმე საათში იურიდიულ საკითხთა კომიტეტის სხდომაზე წარსდგება. მის კანდიდატურას პლენარულ სხდომაზე კენჭი ხვალ უნდა ეყაროს. პარლამენტის მხარდაჭერის მიღებისთვის ირაკლი შოთაძეს 76 დეპუტატის მხარდაჭერა სჭირდება.

საპარლამენტო ოპოზიცია ბოიკოტის რეჟიმში რჩება, თუმცა მათი ნაწილი არ გამორიცხავს, რომ სხდომას დაეწროს და შოთაძესთან დაკავშირებით საკუთარი პოზიცია დარბაზში დააფიქსიროს.

იურიდიული კომიტეტის დღევანდელი სხდომა სამოქალაქო აქტივისტების საპროტესტო აქციის ფონზე ჩაივლის. რაც შეეხება პოლიტიკოსებს - ისინი პარლამენტის პიკეტირებას და სირცხვილის დერეფნის მოწყობას სამშაბათიდან აპირებენ.