"ლეიბორისტული პარტია" ახალი ტყის კოდექსის მიღებასა და სხვა ნორმატიულ აქტებში დაგეგმილ საკანონმდებლო ცვლილებებს ეხმაურება. ლაშა ჩხარტიშილის განცხადებით, კანონპროექტი, რომლებიც ეკლესია-მონასტრებისთვის ტყის რესურსის გადაცემის შესაძლებლობას ადგენს, ეწინააღმდეგება ფუნდამენტურ კონსტიტუციურ პრინციპებს და წინასაარჩევნო პერიოდში ეკლესიის ლოიალობის მოპოვების შინაარსი უფრო აქვს.

საქართველოს პარლამენტი განიხილავს ცვლილებებს "ტყის კოდექსში", რომლის მიხედვითაც, მართლმადიდებელ ეკლესიას შეეძლება, ყველა ეკლესია-მონასტრის გარშემო 20 ჰექტრამდე ტყე იყიდოს და კერძო საკუთრებად დაიკანონოს.