"ბრძოლა ბოლომდე სისტემის წინააღმდეგ" - ამ დევიზით სამოქალაქო აქტივისტები ქუჩის აქციებს იწყებენ.

მათი განცხადებით, გიგი უგულავას დაკავება, ხელისუფლების მხრიდან კიდევ ერთი შეცდომა იყო და ისინი პოზიციების დათმობას არ აპირებენ.

"ბიძინა ივანიშვილს არ აინტერესებს არც ჩვენი დასავლელი მეგობრების პოზიცია და არც ამერიკის პოზიცია. ის ვაბანკზე წავიდა, რა თქმა უნდა, როგორც პოლიტიკური პარტიების, ისე სამოქალაქო აქტივისტების პასუხი მის მიმართ ასევე ვაბანკზე წასვლა იქნება. ბრძოლა კი უკომპრომისო და შეუვალი," - აღნიშნა მოძრაობა "გაბედეს" წევრმა თამარ კაკაბაძემ.

აქტივისტები მასშტაბურ აქციებს აანონსებენ.

"ჩვენ, როგორც სამოქალაქო აქტივისტები, 20 ივნისიდან მოყოლებული ყველა პოლიტპატიმარს გვერდით ვუდგავართ, არც გიგი უგულავაა რასაკვირველია გამონაკლისი და შესაბამისად, ბრძოლას ვაგრძელებთ. დაიწყება ბევრად მასშტაბური აქციები ვიდრე ყოფილა. ჩვენ თავისუფლებისთვის და სისტემის წინააღმდეგ ვიწყებთ ბრძოლას," - განაცხადა მოძრაობა "სირცხვილიას" აქტივისტმა გიორგი გაბრიაძემ.