სტეფანწმინდაში, კობის საავტომობილო გზაზე ზვავის შედეგად დაშავებული ერთ-ერთი, მოქალაქე, გუდაურის გადაუდებელი დახმარების ცენტრიდან გვიან ღამით თბილისში გადმოიყვანეს. ექიმის თქმით, პაციენტის მდგომარეობა მძიმეა. მას ქვედა კიდურების დაზიანებები აქვს.

"არის მარჯვენა ბარძაყის ციბრუტის იზოლირებული მოტეხილობა ჩატარდა შესაბამისი კვლევები, მიმდინარეობს დაკვირვება და სიმპტომური მკურნალობა,"- განაცხადა ექიმმა ვაჟა ლეჟავამ.

მეორე დაშავებული კი, რომელიც ხევში გადავარდნილ ავტომობილში იმყოფებოდა, ყაზბეგის კლინიკაში გადაიყვანეს და შესაბამისი გამოკვლევები ჩაუტარდა. 23 წლის გოგონას ჯანმრთელობის მდგომარეობა დამაკმაყოფილებელია, მის სიცოცხლეს საფრთხე არ ემუქრება.