უმრავლესობასა და ოპოზიციას შორის ამ დრომდე არ გამართულა იანვრის ბოლოს დაანონსებული დიალოგის მეხუთე რაუნდი.

კონსულტაციებში ჩართული პარტიები, ჯერჯერობით, კონკრეტულ თარიღს არ ამბობენ, როდის შედგება შეხვედრა.

დღეს ისევ კეთდება განცხადებები, რომ მოლაპარაკების მაგიდასთან ოპოზიციაც და სახელისუფლებო გუნდიც უცვლელი პოზიციებით მივლენ.

უმრავლესობის შეთავაზება 100-50-ზე ოპონენტებისთვის მიუღებელია, ასევე არ აპირებს პროპორციულ სისტემაზე საუბარს მმართველი გუნდი.

კიდევ ერთი მთავარი მოლოდინი ეუთო/ოდირის დასკვნას და ე.წ გერმანულ მოდელს უკავშირდება.

საქართველოს პარლამენტის თავმჯდომარის მოადგილე, ფრაქცია "ევროპული საქართველო - რეგიონების" წევრი სერგი კაპანაძე აცხადებს, რომ ახალი საარჩევნო სისტემა ხალხის ნებას უნდა ასახავდეს.