ლაშა ტალახაძემ რომში 3 ოქროს მედალი დაისაკუთრა. იტალიაში მიმდინარე ძალოსანთა მსოფლიო თასზე, ლაშა ტალახაძემ ატაცში 200/210/215 კილოგრამიანი სიმძიმე ასწია და როგორც მოსალოდნელი იყო პირველი ადგილი დაიკავა.

ქართველმა ძალოსანმა აკვრაშიც 235/245/255 კილოგრამით ყველას აჯობა, ხოლო ორჭიდის ჯამში დაგროვილი 470 კილოგრამით პირველობა არავის დაუთმო.

საერთო ჩათვლაში საქართველოს ნაკრებმა ტურნირზე 11 მედალი მოიპოვა: ლაშა ტალახაძემ და ანტონ პლესნოიმ 3-3 ოქრო, შოთა მიშველიძემ 3 ვერცხლი, გოგა ჩხეიძემ კი 2 ბრინჯაო.