"კახი ჩვენც გვყავს შვილები, გადააგდეთ ბეტონყმობა"- მორიგი აქცია ვარკეთილში, კვლავ "ანას ბაღის" გადასარჩენად - ადგილობრივებმა პროტესტის ნიშნად სამშენებლო ტერიტორიის შემოსაზღვრულ ღობეზე წარწერები დატოვეს.

10 თებერვალს თბილისის მერიაში ზეპირი მოსმენა გაიმართება, სადაც ადმინისტრაციული საჩივარი, "ანას ბაღის" მიმდებარე ტერიტორიაზე მიმდინარე მშენებლობის შეჩერებისა და სამშენებლო ნებართვის ბათილად ცნობის საკითხები განიხილება. მერიის მხრიდან სარჩელის დაუკმაყოფილებლობის შემთხვევაში კი, ადგილობრივები სასამართლოს მიმართავენ. პარალელურ რეჟიმში აქცია გაიმართება თბილისის მერიასთანაც.