ზუსტად 5 საათში ანკარაში ჩაფრინდება თვითმფრინავი, რომელსაც ჩინეთის ქალაქ უხანიდან საქართველოს მოქალაქეები გადმოჰყავს. ბორტზე სულ სამი ქართველია. ისინი კარანტინის პერიოდს სწორედ თურქეთში გაივლიან.

რაც შეეხება საქართველოს იმ მოქალაქეებს, რომლებიც ასევე იმყოფებიან იმ ქალაქში, სადაც ჩინური ვირუსი პირველად გავრცელდა, 2 ქართველი დატოვებს უხანს და თავს საფრანგეთს შეაფარებს. საქართველოს კიდევ ორმა მოქალაქემ კი დახმარებაზე უარი თქვა და ისინი ეპიდემიის ცენტრში, უხანში რჩება.

ევაკუაციის პროცესში აქტიურად იყო ჩართული ჩინეთში საქართველოს დიპლომატიური წარმომადგენლობა.