ზოდიაქოს ნიშნების სამსახურებრივი რომანი: ვინ, ვისთან, როგორ და როდის

კოლეგებს შორის მეგობრული დამოკიდებულება ხშირად გადაზრდილა რომანტიკულ ურთიერთობაში. გაინტერესებთ, როგორ უნდა მიიზიდოთ კოლეგის ყურადღება, თუ მასთან მხოლოდ სამსახურებრივი კონტაქტი არ გაკმაყოფილებთ?

ვერძი
კოლეგა მამაკაცი: არ გაუშვათ შანსი ხელიდან, რომ მისი ყურადღება მიიქციოთ. გულწრფელად აღფრთოვანდით მისი კარიერული მიღწევებით. ამასთანავე, გახსოვდეთ, რომ ვერძი დამპყრობელია და მას გაუღვიძეთ თქვენი მონადირების სურვილი.
კოლეგა ქალი: დაეხმარეთ საქმიანი კონკურენტების "განადგურებაში". თქვენი ყურადღება მხოლოდ მასზე უნდა იყოს მომართული, სიყვარულში მოცილეებს კი თავად გაანეიტრალებს.

კურო
კოლეგა მამაკაცი: არ აჩქარდეთ და არც ის ააჩქაროთ.
კურო გურმანია და ხშირად დაპატიჟეთ თქვენ მიერ მომზადებულ კერძებზე, დესერტზე. მისთვის გულზე გზა ნამდვილად გადის კუჭზე.
კოლეგა ქალი: უყვარს ფუფუნება. მასთან შეიძლება საერთო სარფიანმა ბიზნესპროექტმა დაგაახლოოთ. ხშირად შეაქეთ და უთხარით კომპლიმენტები.

ტყუპი
კოლეგა მამაკაცი: თუ საჭირო ინფორმაციებზე მიგიწვდებათ ხელი და საჭირო ადამიანებს იცნობთ, ტყუპი მამაკაცისთვის საინტერესო გახდებით.
კოლეგა ქალი: მას სიახლეები და ახალი შთაბეჭდილებები სურს. შესთავაზეთ გასეირნება, საინტერესო ადგილების მონახულება.

კირჩხიბი
კოლეგა მამაკაცი: მეოჯახე ქალები მოსწონს, რომლებმაც იციან ფულის ყადრი და აფასებენ ოჯახურ ტრადიციებს. გირჩევთ, დედამისს დაუმეგობრდეთ, ამით უფრო მალე მოიგებთ მის გულს.
კოლეგა ქალი: შეუქეთ ნახელავი. ის აუცილებლად მოიტანს სამსახურში თავის მომზადებულ გემრიელობებს.

ლომი
კოლეგა მამაკაცი: სადღესასწაულო კორპორატივზე მოაწონებთ თავს. დაანახვეთ, რომ კარგად მღერით და შეიძლება ცოტა ხანში კარაოკებში დუეტით იმღეროთ.
კოლეგა ქალი: გაახარებთ, თუ საჩუქრებით, თუნდაც მდიდრული თაიგულით გაანებივრებთ. აგრძნობინეთ თავი დედოფლად.

ქალწული
კოლეგა მამაკაცი: მას ყველაფრის შეკეთება შეუძლია. სთხოვეთ დახმარება, თუნდაც კომპიუტერულ პროგრამაში გარკვევა. ამ დროს კი საკუთარი თავით დააინტერესეთ.
კოლეგა ქალი: პრაქტიკული და შრომისმოყვარეა. დაიხმარეთ ბუღალტრული საკითხების მოგვარებაში. მიმართეთ, როგორც ავტორიტეტულ კოლეგას.

სასწორი
კოლეგა მამაკაცი: მოსწონს ყველაფერი ლამაზი. თავად გამორჩეული უნდა იყოთ. დაპატიჟეთ თეატრში ან ელიტურ წვეულებაზე.
კოლეგა ქალი: მიიპატიჟეთ რომანტიკულ კაფეში, გამოიწვიეთ ნელ ცეკვაზე, უთხარით კომპლიმენტი და ეცადეთ, გაახალისოთ.

მორიელი
კოლეგა მამაკაცი: თანდაყოლილი ფსიქოლოგის ჭკუა აქვს. მასთან სასაუბრო თემებად გამოგადგებათ: გამოძიება, ეზოთერიკა, კრიმინალი.
კოლეგა ქალი: უყვარს საიდუმლოებები. ხანგრძლივ ინტრიგაში გამოიწვიეთ და გაუღვივეთ ინტერესი თქვენ მიმართ. შეგიძლიათ ანონიმური წერილებიც კი მისწეროთ.

მშვილდოსანი
კოლეგა მამაკაცი: მუდამ განვითარებაზე ფიქრობს. ჩაეწერეთ მასთან ერთად საგანმანათლებლო კურსებზე. გაუზიარეთ წარმატების მიღწევის საიდუმლო.
კოლეგა ქალი: ყურადღებას მოგაქცევთ, თუ დახვეწილ მანერებს გამოავლენთ, ბრენდულ სამოსსა და აქსესუარებში იქნებით გამოწყობილი.

თხის რქა
კოლეგა მამაკაცი: არანაირი იმპროვიზაცია, გაცნობის მიზეზი უნდა იყოს სერიოზული და გააზრებული. ურთიერთობა უნდა იყოს გათვლილი ხანგრძლივ კავშირზე. ეცადეთ, მასთან მისთვის გავლენიანმა ადამიანმა წარგადგინოთ.
კოლეგა ქალი: ხშირად შეუქეთ პროფესიონალური მიღწევები. სთხოვეთ, გაგიზიაროთ ცოდნა-გამოცდილება. მართალია, რომანტიკული არაა, მაგრამ საიმედო მეთოდია.

მერწყული
კოლეგა მამაკაცი: ეგზოტიკური თილისმა ჩამოუტანეთ საზღვარგარეთიდან. მის ყურადღებას დაიმსახურებთ, თუ მისთვის საინტერესო თემებზე: მომავლის ტექნოლოგიები, მოგზაურობა, ეზოთერიკა, დაელაპარაკებით.
კოლეგა ქალი: ორიგინალური კომპლიმენტი უნდა უთხრათ. თუ ყურადღება მოგაქციათ, არაფორმალურ წვეულებაზე მიიპატიჟეთ.

თევზები
კოლეგა მამაკაცი: მოულოდნელობები და საიდუმლოებები უყვარს. გაუღვიძეთ ფანტაზია. მისგან პირველი ნაბიჯის გადმოდგმას ნუ ელით.
კოლეგა ქალი: მიახვედრეთ, რომ ნამდვილი მამაკაცი ხართ. დაეხმარეთ სიმძიმეების მიტან-მოტანაში, ესაუბრეთ რომანტიკულად და მიიპატიჟეთ კინოსეანსზე, ფოტოგამოფენაზე.
790
4 წლ, 1 თ წინ