ევროსაბჭოს საპარლამენტო ასამბლეაში დღეს საკმაოდ მწვავე დებატებს ელოდებიან. დღეს ხუთი სახელმწიფოს დელეგაცია და რუსეთი დებატებს გამართავს იმასთან დაკავშირებით, თუ რამდენად უნდა ჰქონდეს რუსეთს უფლება, ევროსაბჭოს საპარლამენტო ასამბლეაში იმუშაოს.

საქართველოს, უკრაინის, ლიეტუვის, ლატვიისა და ესტონეთის წარმომადგენლები ამბობენ, რომ რუსეთს ევროსაბჭოს საპარლამენტო ასამბლეაში მუშაობის უფლება არ აქვს, ვინაიდან ის ყველა საერთაშორისო ხელშეკრულებასა და ნაკისრ ვალდებულებებს არღვევს. მათ შორის, რეზოლუციით დაკისრებულ მოვალეობებს არ ასრულებს.