დაბრუნდებიან თუ არა სამშობლოში ჩინეთის ქალაქ უხანში მცხოვრები ქართველები - ამ საკითხთან დაკავშირებით, პარლამენტში შეხვედრა გაიმართა. შეხვედრაზე, რომელსაც ჯანდაცვის კომიტეტის თავმჯდომარე, დაავადებათა კონტროლის ცენტრის ხელმძღვანელი და საგანგებო სიტუაციების მართვის წარმომადგენლები ესწრებოდნენ, შეთანხმდნენ, რომ როდესაც უცხოეთის ქვეყნები საკუთარი მოქალაქეების გამოყვანას დაიწყებენ, ამ პროცესში საქართველოც დაუყოვნებლივ ჩაერთვება.