ლევან ხაბეიშვილს საკრებულოში მომხდარი ცემის ფაქტთან დაკავშირებით სრულყოფილი გამოძიების წარმართვის იმედი არ აქვს. თბილისის საკრებულოს ფრაქცია "ერთიანი ნაციონალური მოძრაობის" წევრი დღეს გამოკითხვაზე იმყოფებოდა, სადაც კონკრეტულ მედიასაშუალებებში გასული ვიდეომასალა მტკიცებულებების სახით გააცნეს.

ლევან ხაბეიშვილის თქმით, მის მოთხოვნასთან დაკავშირებით, რომელიც დაზარალებულის სტატუსის მინიჭებას გულისხმობს, საგამოძიებო უწყებიდან პასუხი ჯერ არ მიუღია. მას ასევე არ მიუღია პასუხი იმასთან დაკავშირებით, მოხდება თუ არა მუხლის გადაკვალიფიცირება. ლევან ხაბეიშვილი საქმის ჯგუფური ძალადობის მუხლით გამოძიებას ითხოვს.