გუგეშაშვილების ოჯახზე განხორციელებული თავდასხმის ფაქტზე, რომელსაც დოდო გუგეშაშვილის ვაჟის, ნოდარ გუგეშაშვილის სიცოცხლე ემსხვერპლა, თავად თადარიგის პოლკოვნიკი კი მძიმედ დაიჭრა, გამოძიება გრძელდება. ზაზა მურჯიკნელს გამოძიება სისხლის სამართლის კოდექსის სამი მუხლით ედავება.

ბრალდებულს აღკვეთის ღონისძიებად პატიმრობა დღეს შეეფარდა. საქმის პროკურორის განცხადებით, საგამოძიებო უწყება მუშაობას ინტენსიურ რეჟიმში აგრძელებს - როგორც დამკვეთის, ასევე თავდასხმასთან სხვა პირების კავშირის შესახებ.