ჩინეთში ახალი კორონავირუსით 56 ადამიანი გარდაიცვალა. დაავადებულია ორი ათასამდე ადამიანი, 300-ზე მეტი კი მძიმე მდგომარეობაშია.

ჩინეთის ჯანდაცვის სამინისტროში აცხადებენ, რომ კორონავირუსით სავარაუდოდ კიდევ 2700-მდე ადამიანია დაავადებული, თუმცა მათი დიაგნოზი საბოლოოდ ჯერ დადასტურებული არ არის.

ეპიდემიის გამო იზოლაციაში რჩება ქალაქი უხანი, სადაც სასწრაფო დახმარების მანქანების გარდა ყველა სახის ტრანსპორტის მოძრაობა აკრძალულია. უხანში საქართველოს სამი მოქალაქე იმყოფება.