პარლამენტის წინ აღმართული რკინის ჯებირები და მწვანე ღობე - "ყველაფერს აკეთებენ, რომ ადამიანებმა თავიანთი მშვიდობიანი პროტესტი არ გამოხატონ," - ამის შესახებ "კურიერს" პანკისის სპეცოპერაციისას გარდაცვლილი თემირლან მაჩლიკაშვილის მამა განუცხადა. მალხაზ მაჩალიკაშვილის განცხადებით, ხელისუფლების მცდელობის მიუხედავად, მისი პროტესტი არ შეწყდება.

"გუშინ, როგორც კი პარლამენტის ტერიტორიაზე დამინხეს, შუაღამისას აიღეს ატრაქციონები. ესენი ღამით ნადირობენ. გეგონება ჩინეთის კედელია, ისე აღმართეს, მწვანე ხალიჩა გადაფარეს და იმდენად როგორ ეშინია ხელისუფლებას, კი ეშინია, იციან, რომ ამათი საქმე წასულია და ყველაფერს აკეთებენ, რომ ადამიანებმა თავიანთი მშვიდობიანი პროტესტი არ გამოხატონ, ამას უყურებს მთელი მსოფლიო,"-აცხადებს თემირლან მაჩალიკაშვილის მამა, მალხაზ მაჩალიკაშვილი.

თემირლან მაჩალიკაშვილის მშობლებს ერთ წელზე მეტია რუსთაველის განზირზე კარავი აქვთ გაშლილი, ისინი თემირლან მაჩლიკაშვილის საქმეზე, საპარლამენტო საგამოძიებო კომისიის შექნას ითხოვენ.

შეგახსენებთ, თბილისის მერიამ პარლამენტის წინ განთავსებული საპროტესტო კარვები 31 დეკემბერს აიღო და მათ ადგილას, საბავშვო ატრაქციონები და საშობაო ბაზრობის დახლები დაიდგა.

რკინის ღობე პარლამენტის შენობის წინ თბილისის მერიის შესაბამისმა სამსახურებმა დღეს, გამთენიისას განათავსეს.