ირაკლი შოთაძის კვლავ გენერალურ პროკურორად შესაძლო დანიშვნას სამოქალაქო სექტორში საზოგადოების დაცინვად აფასებენ. არასამთავრობო ორგანიზაციების თქმით, "ქართული ოცნება" არა სისტემის დამოუკიდებლობასა და მის გაჯანსაღებაზე, არამედ მხოლოდ მათი ერთგული კადრების დანიშვნაზე ფიქრობს და სწორედ ამ კრიტერიუმით არის შერჩეული შოთაძეც. სამოქალაქო სექტორი მოუწოდებს საპროკურორო საბჭოს არ დაუჭირონ მხარი ირაკლი შოთაძის კანდიდატურას და შეირჩეს პოლიტიკურად ნეიტრალური კანდიდატი.

შეგახსენებთ, დღეს გენერალური პროკურორის ვაკანტურ თანამდებობაზე კანდიდატების წარდგენის ვადა იწურება. გენერალური პროკურორის პოსტი ვაკანტური მას შემდეგ გახდა, რაც შალვა თადუმაძემ საგამოძიებო უწყებიდან უზენაეს სასამართლოში გადაინაცვლა.