მას შემდეგ, რაც ვლადიმერ პუტინმა ფედერალურ საკრებულოს კონსტიტუციაში ცვლილებების შეტანის წინადადებთ მიმართა, დიმიტრი მედვედევმა განაცხადა, რომ ხელისუფლება სრული შემადგენლობით გადადგება. ინფორმაციას "რია ნოვოსტი" ავრცელებს.

ვლადიმერ პუტინმა ხელისუფლების წევრებს მადლობა გადაუხადა ერთობლივი მუშაობისთვის, თუმცა აქვე აღნიშნა, რომ "ყველაფერი არ გამოუვიდათ".

რუსეთის ლიდერმა, ასევე, განაცხადა, რომ უახლოეს მომავალში მინისტრთა კაბინეტის ყველა წევრს შეხვდება, მანამდე კი მათ სთხოვა, უფლებამოსილება ჩვეულებრივ შეასრულონ.