ჩხუბი და დაპირისპირება "ანას ბაღთან" აქციაზე - ვარკეთილის ტერიტორიაზე საცხოვრებელი კორპუსის მშენებლობის შეწყვეტის მოთხოვნით უკვე რამდენიმე თვეა, პროტესტი არ წყდება.

ადგილზე ვითარება დღეს მას შემდეგ დაიძაბა, რაც ობიექტზე შესვლის საშუალებას ადგილობრივები სამშენებლო კომპანიის თანამშრომლებს არ აძლევდნენ.

აქციის მონაწილეები პოლიციას შეეწინააღმდეგნენ და ხელითაც შეეხნენ. ადმინისტრაციული სამართალდარღვევისთვის 4 პირია დაკავებული.

მოსახლეობა თბილისის მერიისგან ითხოვს ყურადღებას და შესაბამისი გადაწყვეტილების მიღებას, მათი მთავარი მოთხოვნაა, შეწყდეს ახალი კორპუსის მშენებლობა და შენარჩუნდეს სკვერი, სადაც დღის მანძილზე ბავშვები ერთობიან.