უკრაინული ავიაკომპანიის კუთვნილ "ბოინგ 737"-ის ბორტზე მყოფი მგზავრების უმეტესობა გარდაიცვალა, CNN-ის ინფორმაციით, ამის შესახებ ირანის სასწრაფო სამედიცინო დახმარების სამსახურის ხელმძღვანელმა, ფიროსეინ კულივანდმა განაცხადა.

ბორტზე 180 ადამიანი იმყოფებოდა, თვითმფრინავი თეირანის იმამ ხომეინის სახელობის აეროპორტის ასაფრენი ბილიკიდან აფრინდა და მალევე ჩამოვარდა. გავრცელებული ინფორმაციით, ის კიევის მიმართულებით უნდა გაფრენილიყო.

ადგილზე მობილიზებულია სამაშველო სამსახურები, თუმცა გაჩენილი ხანძრის გამო სამუშაოს შესრულება ვერ ხერხდება.