ირანმა ერაყში მდებარე ორ ამერიკულ ავიაბაზაზე იერიში მიიტანა. სამხედრო ობიექტების მიმართულებით 12-ზე მეტი ბალისტიკური რაკეტა ისროლეს. კადრებს ირანის სახელმწიფო მედია ავრცელებს. ამერიკულ ბაზებზე თავდასხმა "ირანის ისლამური რევოლუციური გვარდიის კორპუსის" განმარტებით, გენერალ ყასემ სოლეიმანის ლიკვიდაციისთვის შურისძიებას წარმოადგენს.

შტატებსა და ირანს შორის ურთიერთობა მას შემდეგ დაიძაბა, რაც ერაყში ამერიკის მიერ განხორციელებულ ავიაიერიშს ირანელი გენერალი ყასემ სოლეიმანი ემსხვერპლა.