ენგურის ხიდი ცალმხრივად ჩაიკეტა. ამ დროისთვის შესაძლებელია ე.წ. საზღვრით სამეგრელოდან აფხაზეთში გადასვლა, თუმცა ოკუპირებული ტერიტორიიდან საქართველოს ცენტრალური ხელისუფლების მიერ კონტროლირებად ტერიტორიაზე მოქალაქეები ვეღარ გადმოდიან.

უცნობია, რამდენ ხანს გაგრძელდება შეზღუდვა, რომელიც გუშინ დაწესდა. შესაძლოა, ფაქტი სოხუმში გუშინ მომხდარ მკვლელობას უკავშირდებოდეს. საოკუპაციო რეჟიმის წარმომადგენლები საოკუპაციო ხაზზე უკანონო შეზღუდვების დაწესებას ცხელი ხაზის მეშვეობით არ ადასტურებენ.