ერთი შეხედვით შეიძლება უცნაურადაც გვეჩვენოთ ასეთი შეხამება, მაგრამ არაყი და ორაგული - ჩრდილოეთის ქვეყნების ნაციონალურ სამზარეულოში ძალიან პოპულარულია და იქაური ცივი ამინდებისთვის შესაბამისი.
ინგრედიენტები
ოხრახუში - 2 კონა
ხახვი - 1 პატარა თავი
არაყი - 150 მლ
ორაგულის ფილე, კანიანი - 600 გ (4 ულუფა)
ნიორი - 1 კბ
ლიმონის წვენი - 4 ჩ.კ
ჩილი წიწაკა - 1
მარილი და პილპილი


მომზადების წესები
თხლად დაჭრილ ხახვს ლიმონის წვენი დავასხათ და დავტოვოთ 10 წუთი. შემდეგ დავამატოთ მარილი, პილპილი, ჩილი, ოხრახუში და კარგად ავურიოთ.
ტაფაზე გავაცხელოთ ცოტა ზეთი და ორაგული შევწვათ ჯერ კანის მხრიდან, შემდეგ ზემოდან. ამოვიღოთ თეფშზე და იმავე ტაფაში ჩავამატოთ დარჩენილი ზეთი, ნიორი და არაყი. ავადუღოთ, სანამ სითხე განახევრდება. მოვასხათ ორაგულს და მივიტანოთ სუფრაზე ოხრახუშთან ერთად.