არსებობს უამრავი დეკორის ელემენტი, რომელიც არა მხოლოდ შენობას ამშვენებს, არამედ სახლში წარმატება მოაქვს და ცუდ ენერგიას განდევნის. თუ გსურთ, რომ სახლი დადებითი ენერგიით აავსოთ, შეგიძლიათ სახლში ინტერიერს რამდენიმე ნივთი შემატოთ. საკმეველი
საკმევლის დანთება უძველესი დროიდან გამოიყენება და დღემდე სხვადასხვა კულტურაში გამოიყენება. პირველ რიგში, ასე სახლს ცუდი ენერგიიდან გაწმენდთ. როგორც კი კვამლი გაიფანტება, მთელი ნეგატივი გაქრება.



აკვარიუმი თევზებით
სახლში მდგომარეობის შეცვლა ისეთივე მარტივი იქნება, როგორც მაღაზიაში წასვლა და აკვარიუმის და რამდენიმე თევზის ყიდვა. ამ არსებას წარმატება მოაქვს, ამიტომ ფენ-შუის ყველა წესის მიხედვით აკვარიუმი მნიშვნელოვან ელემენტად ითვლება. თევზი ნებისმიერ უარყოფით ენერგიას შთანთქავს. ის ჯანმრთელობის, ბედნიერების, სიმდიდრის და აყვავების სიმბოლოდ ითვლება. თევზების რაოდენობას უდიდესი მნიშვნელობა აქვს. ყველაზე ბედნიერი რიცხვია - 8 ან 9.



ბამბუკი
ფენ-შუიში ბამბუკი ერთ-ერთ ყველაზე ეფექტურ საშუალებად ითვლება, რომ სახლში წარმატება და პოზიტიური ენერგია მოიზიდოთ. ეს              

    

მცენარე განწყობის ამაღლებას ხელს უწყობს და სახლში ჰარმონია და მშვიდობა მოაქვს. ასევე კარგია ორქიდეა, ფულის ხე და სხვადასხვა პალმა.



ნალი
ნალის კარზე დაკიდება უძველესი ტრადიციაა, რომ წარმატება მოიზიდონ. სასიამოვნოა იმის ჩათვლა, რომ შემოსასვლელ კარზე ნალის დაკიდებით წარმატება არასდროს დასრულდება.



თეთრი სალბი
საუკუნეების განმავლობაში სალბი ცუდი ენერგიის განსადევნად და სახლის უსაფრთხოების და არასასურველი ვიზიტორებისგან დასაცავად იყენებდნენ. ეს მცენარე სამკურნალო თვისებებს ფლობს და ნერვებს ეფექტურად ამშვიდებს, ამასთან ჰაერს კონფლიქტის შემდეგ წმენდს. სალბის თვისება მეცნიერებმაც აღიარეს. მკვლევარებმა აღმოაჩინეს, რომ ამ მცენარის დაწვა ჰაერში ბაქტერიების რაოდენობას 94%-ს გაანადგურებს. თქვენ უბრალოდ მცენარე უნდა დაწვათ და მას სახლის ყველა კუთხის შევსება უნდა აცადოთ. 




წყარო: astrologi.ambebi.ge