"აბრეშუმის გზის ფორუმი" თბილისში დღეს გაიხსნა. 60-ზე მეტი ქვეყნის დაახლოებით 2000 დელეგატი საქართველოში სპეციალურად ღონისძიებაზე დასასწრებად ჩამოვიდა.

საქართველო - კარიბჭე ევროპასა და აზიას შორის - ხელისუფლება პოტენციურ პარტნიორებს ამ მიმართულებით ქვეყნის სატრანზიტო შესაძლებლობებზე ესაუბრება.

ფორუმზე სიტყვით გამოსვლისას პრემიერ-მინისტრმა აქცენტი გააკეთა იმაზე, რომ ქვეყანამ აბრეშუმის გზის ინიციატივაში თავისი ისტორიული როლი უნდა შეასრულოს, უნდა გახდეს დერეფანი აღმოსავლეთის და დასავლეთის ბაზრებისთვის.