ინგრედიენტები
პაპრიკა - 1.5 ს.კ
ნივრის კბილი - 3
არაჟანი - 2 ს.კ
ტყემლის საწებელი - 4 ს.კ
ქათმის ბარკალი - 1 კგ
მარილი და პილპილი
ხმელი სუნელი - 1 ჩ.კ

მომზადების წესები
ქათმის ბარკლები გავრეცხოთ და ხელსახოცით შევაშროთ.
ჯამში ავურიოთ ტყემალი, არაჟანი, დაჭყლეტილი ნიორი, ხმელი სუნელი, მარილი და პილპილი. ამ მარინადში ჩავალაგოთ ქათმის ხორცი 3 საათით, შეიძება მთელი ღამითაც.
ღუმელის ფორმაში ჩავაფინოთ ფოლგა,წავუსვათ ზეთი, დავალაგოთ ქათმის ნაჭრები, ნაპირებზე დავასხათ სულ ცოტა წყალი, დაახლოებით ჭიქის მესამედი. თავზე გადავაფაროთ ფოლგა და შევდგათ ღუმელში, 200 გრადუსზე შესაწვავად, 40 წუთით. შემდეგ თაფზე გადავხადოთ, რომ ზემოდან კარგად მოიბრაწოს, თან ვასხათ თავისივე წვენი.
გარნირად მოუმზადეთ წიწიბურა, პიურე, სალათი, ბრინჯი...
თუ ასე დამარინადებულს პიკნიკზე გაიყოლებთ და ნაკვერჩხალზე ან გრილზე შეწვავთ, შესანიშნავი გამოვა.