ალბათ ყველას გვახსოვს ბავშვობის საყვარელი ტკბილეული - „მამალო“. იგივე პრინციპით შეგვიძლია მოვამზადოთ გემრიელი შაქარყინულები ხველის საწინააღმდეგოდ, ჯანჯაფილის სასიამოვნო არომატით. გაციებისას უკეთესს ვერაფერს მოძებნით - სცადეთ თავად!
ინგრედიენტები
შაქარი - 3/4 ჭიქა
წყალი - 2 ს/კ
1/2 ლიმონის წვენი
თაფლი - 2 ჩ/კ
ჯანჯაფილი, ნედლი - 2 სმ
მიხაკი - 2-3 ცალი
შაქრის პუდრა


მომზადების წესები
ჩაყარეთ შაქარი პატარა ქვაბში.
დაასხით წყალი და ოდნავ შეანჯღრიეთ, რომ შაქარი დასველდეს. დადგით ქვაბი ცეცხლზე.
ჩააწურეთ ნახევარი ლიმონი, ჩაყარეთ გასუფთავებული და დაჭრილი ჯანჯაფილი, ასევე დაფქული მიხაკი.
დაუმატეთ თაფლი და დაელოდეთ, სანა მასა ადუღებას არ დაიწყებს. შემდეგ დაუწიეთ ცეცხლს საშუალომდე.
ადუღეთ კარამელი, სანამ არ გასქელდება და არ მიიღებს მუქ-ქარვისფერს.
კოვზის მეშვეობით ან გამოსაცხობი მკვრივი ქაღალდის კონვერტების მეშვეობით დაასხით კარამელი პატარ-პატარა წრეებად პერგამენტზე. თუ ჯოხიანი კანფეტები გსურთ მიიღოთ, წინასწარ დაალაგეთ პერგამენტზე ხის ჩხირები და მათ ერთ ბოლოზე დაასხით კარამელის მასა.
როცა კანფეტები გაცივდება, მოაყარეთ შაქრის პუდრა და გადაიტანეთ სასურველ ჭურჭელში ან მუყაოს ყუთში.