ეს სკანდალური ინფორმაცია „პრესა.ჯის“ შსს-ს მოქმედმა მაღალჩინოსანმა მიაწოდა.

მისი თქმით, შს მინისტრს თარაშ მუკბანიანის მკვლელის, რამაზ დევაძის შეწყალება აჭარაში არეული სიტუაციის "დალაგებისათვის" და არჩევნებისათვის სჭირდება.

გახარია და კრიმინალები

სისხლიან ჯალათად წოდებულ გახარიას კრიმინალებთან ურთიერთობის გამოცდილება ჯერ კიდევ იმ დროიდან აქვს, როდესაც ივანიშვილის იურისტი იყო მოსკოვში.

მაშინ გახარია ივანიშვილის დავალებით ყოველთვიურად უხდიდა პოლიციას და კრიმინალებს ქრთამს.

კრიმინალებთან ურთიერთობითა და მათი ლობირებით გახარია შს მინისტრის პოსტზეც გამოირჩევა.

2018 წლის საპრეზიდენტო არჩევნების მეორე ტური მან სწორედ კრიმინალების წყალობით "მოიგო" და ამით ზურაბიშვილი ერთგვარად დაავალდებულა პირველი ტურის წაგების ფონზე.

კრიმინალების ულტიმატუმი გახარიას

მედია-ომის პარალელურად, ივანიშვილოს რეჟიმმა უკვე დაიწყო 2020 წლის არჩევნებისათვის მომზადება.

გადამწყვეტ არჩევნებზე ივანიშვილი არაფერს მოერიდება - არ კრიმინალების გამოყენებას არც დაშინებას და არც ამომრჩევლის მოსყიდვას.

ცხადია, მისთვის მნიშვნელოვანია აჭარის რეგიონი, კონკრეტულად კი ბათუმი, სადაც დღეს ქართული ოცნების რეიტინგი ისტორიულ მინიმუმზეა.

„სწორედ ამიტომ, კრიმინალებმა გახარიას ერთგვარი ულტიმატუმი წაუყენეს და უთხრეს რომ თუ ქართულ ოცნებას მათი მხარდაჭერა სჭირდება, მაშინ რამაზ დევაძე ციხეში არ უნდა იჯდეს“, - გვეუბნება შსს-ს მაღალჩინოსანი, რომლის თქმითაც პოლიციელის მკვლელის შეწყალების გამო პოლიციელთა დიდი ნაწილი გაბრაზებულია.

შესაბამისად, გახარიამ ფაქტობრივად, პოლიციელები პოტენციური მკვლელობისათვის გაწირა და 22 წლის თარაშ მუკბანიანი მკვლელის შეწყალება სთხოვა ზურაბიშვილს.

თარაშ მულბანიანი რამაზ დევაძემ მოკლა ბათუმის ერთერთ კლუბში. მკვლელობამდე ერთი წლით ადრე, პოლიციელს დედა გარდაეცვალა, მკვლელობიდან ერთი წლის შემდეგ კი, მისი მამა გადაყვა ამ ამბავს.

აღსანიშნავია, რომ რამაზ დევაძე მუკბანიანის მკვლელობამდე, პოლიციის ფიზიკური შეურაცხყოფისთვის იხდიდა პირობით სასჯელა.

დევაძე ცნობილი აჭარელი კრიმინალების ახლო მეგობარი და მათი წრის წარმომადგენელია.

presa.ge