ყავა – მსოფლიოში ყველაზე პოპულარული სასმელია. ბევრისთვის დღე არ არსებობს მის გარეშე. წარმოიდგინეთ, როგორი იქნება ის დღე, თუკი ამ სასმელს ჩვეული კი არა, სრულიად უჩვეულო, განსხვავებული გემოთი დალევთ. ეს გოგრის ლატე აუცილებლად უნდა გასინჯო თავადაც და მეგობრებსაც გაუზიაროთ.
ინგრედიენტები
ნალექიანი ყავა
გოგრა - 300 გ
რძე - 60 მლ
ნაღები 32% -36% - 120 მლ
ვანილი, დარიჩინი, მიხაკი, მუსკატის კაკალი - სურვილისამებრ
შაქარი - გემოვნებით
წყალი


მომზადების წესი:
თავდაპირველად გააკეთეთ გოგრის სიროფი. ამისათვის გაახურეთ 200 გრადუსზე ღუმელი, დაჭერით გოგრის რბილობი პატარა ნაჭრებად, გაანაწილეთ ტაფაზე ერთ რიგად და მოათავსეთ ღუმელში 15 წუთი. შემწვარი გოგრა დააბლენდერეთ.

მიღებულ გოგრის პიურეს დაუმატეთ 200 მლ წყალი, დარიჩინი, მიხაკი და სხვა სანელებლები გემოვნებით (შეგიძლიათ, ყველაფერი ერთად) და დადგით მასა 15 წუთით ცეცხლზე. ხარშვისას გამუდმებით ურიეთ. მიიღებთ სქელ სიროფს.

მოხარშეთ ყავა, გაწურეთ და ჩაასხით დიდ ჭიქაში. დაუმატეთ გოგრის სიროფი და ნახევარი რძე. ათქვიფეთ ნაღები სქელ ღრუბელივით მასად და კოვზით დაადეთ ჭიქას.

გემრიელად მიირთვით ნოემბრის სასმელი.